Aldi baterako erakusketa berria TOPIC-en, John Blundall txotxongilolari ingeles ezagunaren eskutik..

Home » Aldi baterako erakusketa berria TOPIC-en, John Blundall txotxongilolari ingeles ezagunaren eskutik. #Uncategorized @eu

Joan den ostiralean, irailaren 22an, TOPIC-en inauguratu zen John Blundall maisu txotxongilolari ingelesari buruzko aldi baterako erakusketa. Ekitaldira Stephen Foster, bere dizipulua, joan zen; Blundall-en ikaslea eta erakusketaren konfigurazioan pieza garrantzitsua izan zena.

Titiritero, artisau, artista plastiko, eszenografo, irakasle eta bildumagile britainiarra, Blundall izan da Erresuma Batuko txotxongilo-antzerkiaren ekoizlerik oparoena.

Txikitatik izan zuen jakin-mina diziplina horrekiko, “beti gustatu izan zaizkio txotxongiloak eta bazekien gogo hori kutsatzen; izan ere, nirekin lortu baitzuen”, dio Fosterrek.

“Nahiz eta txotxongilolari gisa hasi eta 1951n bere lehen konpainia, Festival Marionettes sortu zuen, bere lan-bizitzaren zatirik handienean eraikitzailea, diseinatzailea, irakaslea eta zuzendaria izan zen”, dio bere ikasleak.

Erakusketa honetako txotxongiloak TOPIC-ek erosi zituen 2008an, Birminghameko (Ingalaterra) Midlands Arts Center-en egindako enkantean. Pieza hauek Blundall emankorraren sorkuntza batzuen aukeraketa askotarikoa eta bitxia dira. “Nik ezagutzen nituen horietako gehienak, beste erakusketa batzuetan eta argazkietan ikusi nituen, baina ez osorik. Nire maisuaren erakusketarik handiena dela uste dut eta lehena Europan”.

Galesko literatura klasikoko lanak, hala nola The Quest for Olwen edo The Rose & The Ring satirikoa, artista honen estilo berezi eta bereizgarriarekin irudikatu dira, eta beste lan garaikide batzuk ere erakusten dira; hala nola, Alladin, Hansel & Gretel edo Sinbad. Materialen erabileraren bikaintasunak eta teknika eta formen aniztasunak, John M. Blundall jarraitu beharreko ikono eta eredu bihurtzen dute txotxongiloaren munduan eta mundutik kanpo. Ez bakarrik bere sorkuntza bikainengatik, baita artista askori lagundu eta inspirazio-balio izateagatik ere.

Blundall-ek 50 antzezlan baino gehiago idatzi, diseinatu eta zuzendu zituen. Txotxongilolari asko prestatu zituen eta mundu osoan espezializazio eta lanbide heziketako ikastaroak eman zituen. Zinemarako eta telebistarako pertsonaia asko sortu zituen, eta musikari eta zuzendariei ere lagundu die; horien artean, Simon Rattle eta London Sinfonietta nabarmendu behar dira.

UNIMAko ohorezko kide eta bere Batzorde Betearazleko kide ere izan zen 1976tik 1996ra bitartean, eta UNIMA zentro britainiarreko lehendakaria izan zen 1978tik 1997ra bitartean, baita ohorezko lehendakaria ere 2004ra arte. 2014. urtean hil zen.

 

 

 

Horario del Museo

De Martes a Viernes
10:00 a 13:00 h // 16:00 a 19:00 h

Fines de Semana y Festivos
10:30 a 14:00 h // 16:00 a 19:30 h

Lunes: Cerrado

Museoa itxita egongo da urtarrilaren 1ean eta 6ean; urtarrilak 5 arratsaldez, Iñauterietan otsailaren 8tik 14ra, egun batez San Juan jaiengatik, uztailak 31 eta abenduaren 25ean. Eta abenduaren 24an eta 31n arratsaldez.

El acceso al teatro se cerrará 15 minutos después del comienzo de la función.

Centro Internacional
del Títere de Tolosa


Euskal Herria Plaza
20400 Tolosa
Gipuzkoa

943 65 04 14 cit@cittolosa.com
© 2022 TOPIC | Designed by Chroma Estudioa