Aldi baterako erakusketen aretoan, martxoaren 9ra arte, TOPICek “L ‘Estaquirot” konpainia kataluniarraren 50 urteei omenaldia egingo die. Bost hamarkada hauetan zehar, L’Estaquirot Teatre antzerki komunitatearentzat inspirazio iturri izan da, bere ekoizpen berritzaileekin eta bikaintasun artistikoarekiko duen konpromiso sendoarekin ikusleak liluratuz.

Erakusketa honetan, bere historia liluragarrian murgilduko gara, bere hasiera xumeetatik hasi eta gaur egun. Argazkien, dokumentu historikoen, jantzien eta eszenako objektuen bidez, konpainia honek nola eboluzionatu duen, erronkei aurre eginez eta urteetan zehar nola egokitu den aztertuko dugu, betiere bere esentzia bakar eta bereizgarria mantenduz.

70eko hamarkadan, haiek hasi zirenean, bultzaka zebiltzan haizeak demokraziarenak eta kultura ireki, libre eta konprometituaren ideia berriak ziren, mundua aldatzeko gogoz. Atrebentzia honen tresnak antzerkia, txotxongiloak, tailer bat, furgoneta bat, lagun talde bat eta bertako kultura katalanarekin identifikazio estu bat izan ziren. Hona hemen haien ibilbidea itxuratu duen bizkarrezurra.

Erakusketa honetan sartzea L’Estaquirot Teatreren denbora luze hori gogora ekartzea da, haien eszenatokietatik bidaiatzea, emanaldien erritu-esentziak dastatzea, lanbidearen nobleziaz eta txotxongiloen arte figuratiboaz gozatzea.

L ‘Estaquirot Teatreren aldi baterako erakusketa osatuz, Anbigu aretoak konpainia horrek egin zuen tailerreko lanaren lagin txiki bat hartuko du. Ikusi erakusketa honetan nolakoak diren sorkuntza prozesuak, zer dagoen eszenatokien atzean eta nondik jaiotzen diren txotxongiloak.