Areto Nagusia

Eraikuntzaren beheko solairuan dago kokatua, sarbide aproposekin, eta 250 ikuslerentzako edukiera du. Eserlekuei dagokienez, erosoak eta zabalak dira, eta bakoitzak idazmahai, korronte-hargune eta Wi-fi independentea du. Gainera, eserlekuak plano inklinatu batean kokatuta daudenez, ikusgarritasuna primerakoa da. Aretoa, txotxongiloen antzezpenez gain, mota ezberdinetako ekitaldiak hartzeko prestatua dago: formatu erdiko antzerki-lanak, proiekzioak, kontzertuak, errezitaldiak, dantzak, hitzaldiak, eztabaidak, kongresuak, batzarrak, eta abar.

Agertokiak 9 metroko aho-zabalera du, 9 metroko sakonera eta 7 metroko altuera. Horrez gain, elektrifikatutako eta informatizatutako 14 haga ditu, eta ahoaren parean beste 4 haga. Aretoa funtzio ezberdinetarako dago hornituta: zine edota ikus-entzunezkoak proiektatzeko, aldibereko itzulpen-zerbitzuetarako eta bideo konferentziak egiteko.