TOPIC-ek, CDN-rekin elkarlanean, erakusketa txiki bat jarri du Madrilgo Valle Inclán antzokiko Nieva eta El Mirlo Blanco aretoetako harrera gunean. Guztira, zortzi pieza dira, material birziklatuekin eginak, Herbehereetako, Frantziako, Euskadiko, Kataluniako eta Aragoiko konpainietatik datozenak.

Muntaketan, TOPIC-eko zuzendarikide Juanjo Herrero eta zentroko museologia-arduradun Iñigo Aginagalde, eta CDN-ren aldetik, Fernando Sánchez Cabezudo, Zentro Dramatiko Nazionaleko aholkulari eta koordinatzaile artistikoa egon ziren.

Erakusketa zabalik egongo da Titerescenaren denboraldi osoan; urriaren 14-15eko asteburuan irekiko ditu ateak Kataluniako Giramagic konpainiak, “Hai, la pescadora de sueños” lanarekin. Ondoren, azaroaren 18an eta 19an, Mots de tête compagnie-Philippe Genty frantsesen “La llamada del mar” antzezlana ikusiko dugu. Abenduaren 16an eta 17an, Estación Paraíso andaluziarrak izango dira “La maquiné” lanarekin.

2024an, CuCu valentziarrak “Bambalinarekin” egongo dira urtarrilaren 27an eta 28an. Trapos uruguaiarrak “Coriolis” antzezlanarekin, otsailaren 17an eta 18an. Kataluniako Cal teatre konpainiak “Mentira cochina” ikuskizuna eskainiko du martxoaren 2an eta 3an; “Ricdin-Ricdon” Aufur & EnMesures talde frantsesak apirilaren 20an eta 21ean; Javier Aranda zaragozarraren “Vida” saioa maiatzaren 18an eta 19an, eta ekainaren 8an eta 9an, Gorakada taldearen “Kelonia eta itsasoa” ikuskizunak itxiko du programazioa.