‘Jokoa eta txotxongiloak’ 2015eko aldi baterako bigarren erakusketa da, TOPIC eta Los Titiriteros de Binéfar konpainiaren arteko elkarlanaren emaitza. Hasiera batean, paperezko txotxongiloen antzerkiari buruzko erakusketa bat egitea zen asmoa, Abizandako (Huesca) Txotxongiloen Etxean gordeta zituzten paper-teatrino bilduma bat erabiliz. Baina, azkenean, erakusketak jostailuen eta txotxongiloen artean dagoen harreman estua islatzen du. Azken finean, bizia, soinua eta mugimendua ematen baitzaio objektu bizigabe bati, bi kasuetan.
Erakusketan jostailuekin zerikusia duten aukera ezberdinak ikus ditzakegu: txotxongilo edo jostailu izatearen arteko mugatik gertu dauden jostailuak, jostailuzko txotxongiloak, jostailu-liburuak, paperezko-teatrinoak, ebakigarriak… Unibertso honek haurtzarora darama bisitaria, urte batzuk dituena bai behintzat, irudimen eta ezagutzaz betetako mundu kuttuna gogora ekarriz.
Erakusketan jostailuekin zerikusia duten aukera ezberdinak ikus ditzakegu: txotxongilo edo jostailu izatearen arteko mugatik gertu dauden jostailuak, jostailuzko txotxongiloak, jostailu-liburuak, paperezko-teatrinoak, ebakigarriak… Unibertso honek haurtzarora darama bisitaria, urte batzuk dituena bai behintzat, irudimen eta ezagutzaz betetako mundu kuttuna gogora ekarriz.
TOPIC-ek 2011n eskaini zuen Los Titiriteros de Binéfar konpainiaren atzera begirako erakusketa bat. Bertan haien ikuskizunen zati bat aukeztu zen, horien artean baziren behin baino gehiagotan Tolosako Titirijai jaialdian eskaini ziren batzuk. Erakusketa honek Aragoiko konpainiak eta bere lantaldeak Abizandako Txotxongiloen Etxean gordetzen duten bilduma erakustea du helburu.
TOPIC-ek txotxongiloen erakusketa monografiko gehienak euren jatorria kontuan hartuta aurkeztu ditu orain arte: izan jatorrizko herrialde edo eskualdekoa, izan txotxongilo-konpainia partikular batekoa. Oraingo honetan, txotxongiloaren munduari zeharka begiratzearen hautua egin da, gure kontzientzian edo haurrenean txotxongiloa non eta noiz sortzen den hausnartuz.
TOPIC-ek txotxongiloen erakusketa monografiko gehienak euren jatorria kontuan hartuta aurkeztu ditu orain arte: izan jatorrizko herrialde edo eskualdekoa, izan txotxongilo-konpainia partikular batekoa. Oraingo honetan, txotxongiloaren munduari zeharka begiratzearen hautua egin da, gure kontzientzian edo haurrenean txotxongiloa non eta noiz sortzen den hausnartuz.
Museoaren ordutegia
Asteartetik Ostiralera
10:00etatik 13:00etara // 16:00etatik 19:00etara
Asteburuak eta jaiegunak
10:30etatik 14:00etara // 16:00etatik 19:30etara
Astelehenak: Itxita
Museoa itxita egongo da urtarrilaren 1ean eta 6ean; urtarrilak 5 arratsaldez, Iñauterietan, 27tik 5era. 24ean San Juan jaiengatik, abenduaren 25ean. Abenduaren 24an eta 31n arratsaldez.
Antzokirako sarrera itxita egongo da emanaldia hasi eta 15 minutura.
Tolosako Nazioarteko
Txotxongilo Zentroa
Euskal Herria Plaza
20400 Tolosa
Gipuzkoa