Igande honetan, otsailaren 25ean, “TOPIC: txotxongiloen munduari begirada” erakusketa inauguratu da Feten, Haurrentzako Arte Eszenikoen Nazioarteko Azokan, Xixon-en. Bertan 120 pieza inguru ikus daitezke, 2009an TOPIC sortu zenetik, orain arte egin diren erakusketen zati txikien bilduma bat. Esate baterako, John Blundall txotxongilolari ingeles famatuari buruz aldizkako erakusketen aretoan egin den azken erakusketako txotxongilo batzuk daude ikusgai.

Erakusketa bi munduren artean banatuta dago: Ekialdea eta Mendebaldea, txotxongiloen jatorriaren arabera. Ekialde Aretoan ikusgai egongo dira Malikoak, Txinatarrak, Indiarrak, Indonesiarrak eta Vietnamekoak eta Mendebaldeko aretoan, Kataluniako, Euskal Herriko, Amerikako eta Europa mendebaldeko erakusketa-piezak. Horiek guztiak TOPIC-ek bere 14 urteetan zehar hartu dituen hainbat erakusketetan parte hartu dute. Erakusketa martxoaren 1era arte egongo da zabalik, azoka amaitu arte.