TOPIC-ek YouTubeko kanal bat du (@topictolosa3035) eta edozein erabiltzaileren eskura daude bertara igotzen diren elkarrizketa guztiak, txotxongiloei eta haien inguruko guztiari buruzko elkarrizketak. Horregatik, elkarrizketa horietan nazio eta nazioartekoetako hainbat konpainietako txotxongilolariak, TOPIC-eko egoitza artistikoetako protagonistak, Titirijai jaialdiko parte-hartzaileak eta abar topatuko ditugu. Antzerkigile eta objektologoak ere topatuko ditugu; esaterako, Shaday Larios, azken Titirijai jaialdian izan genuena, eta Ana Fernández, INAEMeko antzerki eta zirkuko zuzendariordea.

Plataforma horretan eduki interesgarriak gehitzen jarraituko dugu, betiere zuen esperientziak partekatzeko egiten dizkiguzuen bisitekin lotuta. Badakizue, txotxongilo-maitale guztion kanala da hau eta parte hartzera gonbidatuta zaudete.