Azaroaren 19tik 27ra Tolosako Nazioarteko Txotxongilo Jaialdiaren beste edizio bat egingo dugu. Oraingoan, 40garren urteurrena ospatzeko, programazioa handienen parean egongo da, urtero bisitatzen gaituzten ikusleen antzera.

Jaialdia, inoiz baino gehiago, TOPICeko Euskal Herria plazako 1. eraikineko hormen atzean egiten denaren fruitu ikusezina da: ehunka bideoen ikustaldiak; ikusiko diren ikuskizunak hautatzeko jaialdietarako bidaiak; antzoki eta kaleetan ikusiko diren lanen sormen-egoitzak, erakusketak egin, diseinatu, prestatu, aurreko mendeetako haurrek eta helduek izan zituzten altxorrez txundi gaitezen, kaleko ikuskizunak, herritar arrunten topaketara ateratzen direnak; eztabaida-jardunaldiak ospe handiko espezialista eta adituekin, Europan non gauden hausnartzeko, bai arlo profesionalean, bai txotxongilolariaren prestakuntzan; omenaldiak…

Inaugurazio-egunean, TOPIC-en, 18:30ean, Teatro Paraíso konpainiaren ikuskizun bat izango dugu, ‘Lehioak’ izenekoa, objektu-antzerkia landuz. Egun horretan bertan, Miguel Arreche aretoan, 12:00etan eta 17:00etan, La Main D’oeuvres frantsesek ‘Ici et là’ antzeztuko dute, etxearen eta naturaren inguruko soinu- eta zentzumen-laborategi txikia.

Programa osoa ikusteko sakatu hemen

Lehioak, Andoain-en (Gipuzkoa-Euskal Herria) 2021/12/12 , Bastero Kulturgunea.