Ostiral honetan, martxoaren 10ean, TOPIC-ek beste aldi baterako erakusketa bat inauguratuko du, La Tartana Teatroren eskutik. Juan Muñozek 1977an sortutako txotxongilo antzerki konpainia da La Tartana, eta haurtzaroarekin duen konpromisoa, bilakaera iraunkorra eta erabiltzen diren teknika eta hizkuntza ugariak ditu ezaugarri.

TOPIC-ek erakutsiko duen ‘La Tartana. 45 urte txotxongilolaritzaren artean. Txotxongilo eta automaten erakusketa’ honek, Madrilgo konpainiak lau hamarkada baino gehiagoko esperientzian sortutako unibertsoen bidez txotxongiloen artea hurbiltzeko helburua du. Erakusketak, funtsean, interaktiboa eta dinamikoa izan nahi du, mugimenduaren premisapean, txotxongilo-antzerkiaren oinarrizko elementu gisa. Mugimendu hori hainbat formulen bidez lortzen dute: motorren bidez, argiaren bidez, soinuaren bidez, proiekzioen bidez… Ikusleak konpainiak sortutako txotxongilo berezi eta originalak ikusi eta mugitu ahal izango ditu.

Irudimenezko hauek fantasiaren eta errealitatearen arteko erdibidean daude, eta lan eta ikerketa handi baten emaitza dira. Txotxongiloa plastikatik eta dramaturgiatik ulertzen da mugimenduaren bidez.

La Tartana antzerkia
La Tartana antzerki konpainiak antzerkigintzaren segmentu guztiak zeharkatu ditu, txotxongiloak, panpina handiak eta antzerki bisuala etengabe begiratuz. Kale-antzerkitik hasita, formatu handiko abangoardiako ikuskizunetatik igaro, eta ikusle gazte eta familiarrarentzako txotxongiloetara ardaztuz, konpainiaren azken etapetan.

1977an bere lehen ikuskizuna estreinatu zuen, Polichinela. Konpainia helburu jakin batzuekin sortu zen: antzerki-hizkuntza berri bat sortzea, irudiaren dramatizazioa lortzea eta txotxongiloa mugimenduan dagoen elementu eskultoriko gisa erabiltzea.

Ibilbide horretan zehar, munduan zehar bidaiatu duten eta jaialdi garrantzitsuak ezagutu dituzten 40 ikuskizun baino gehiago estreinatu ditu konpainiak, antzerkigintzaren historian eta askoren oroimenean geratu direnak. Konpainiaren buru Juan Muñoz da, Francisco Peraltaren ikaslea eta La Tartana konpainiaren zuzendaria eta txotxongilolaria.

Erakusketak konpainiaren txotxongilo enblematikoenetatik ibilbide interaktiboa egiten du. Txotxongiloen esentzia bilatzeak eta hori irudikatzeak, soinu eta mugimenduz betetako benetako antzerki-unibertso bat sortzera eraman du konpainia, erakusketa osatzen duten automata edo eszena bakoitzean.