John M. Blundall Txotxongilo-Maisu

Txotxongilolaria, artisaua, artista plastikoa, eszenografoa, irakaslea eta bildumagile britainiarra. John Blundall-ek zirkuan hasi zuen bere ibilbidea. 1951n Festival Marionettes konpainia sortu zuen. Soldadutzaren ondoren zuzendari eta diseinatzaile izan zen zenbait antzoki britainiarretan.

John Blundallek bere txotxongilo handi eta koloretsuekin egindako ekoizpenak 1960ko eta 1970eko hamarkadetan Ekialdeko Europako lanak izan zuen eraginaren lekuko dira. 1968an, Blundallek Cannon Hill Puppet Theatre konpainia sortu zuen. Konpainia horren egoitza Birminghameko Midland Arts Centren zegoen, eta 1992ra arte haren zuzendari artistikoa izan zen, 80 obra baino gehiago idatzi, diseinatu eta zuzenduz. Bere bilduma pribatu zabalak eszenografiak, maketak eta argazki-artxiboa, dokumentazioa, grabatuak eta mundu osoko txotxongilo eta maskara ugari biltzen ditu.

TOPIC-etik proposatzen dugun erakusketak John Blundallek bere bizitzan zehar sortutako ondarearen zati txiki bat eskaintzen du. Bere lanik garrantzitsuenetako batzuen diseinu koloretsuak konbinatuz, bisitariari bere sorkuntzen ezaugarri izan zen bizi poza helarazi nahi diogu.

Ordutegia:

Lan egunetan: 10:00-13:00 eta 16:00-19:00. Ekainaren 15etik irailaren 15era 10:00-14:00 eta 15:30-19:30

Asteburu eta jai egunetan: 10:00-14:00 eta 15:30-19:30

*Astelehenetan itxita