Bisita gidatu antzeztuak haurrentzat euskaraz

2023-2024 ikasturte honetan TOPICek, publiko familiarrari eskainitako bisita gidatu antzeztu arrakastatsuekin jarraituko du. Gure ustez, zentzu handiko jarduera da, batez ere gure Zentroak arte-disziplina jakin batean, antzerkiaren esparruan, diharduelako. Bisitariei esperientzia ahaztezina izateko aukera eskaintzen zaie: Txotxongiloen Etxean barrena bisita gidatu antzeztua egitea museoko txokoak ezagutzeko.

Bisitak hileko lehen larunbatean egingo dira: 11:30ean euskaraz eta 12:30ean gaztelaniaz, eta ordubeteko iraupena izango dute. Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 10€ helduek /8€ 12 urte arteko haurrek.