Egun bereziak iritsi dira. Egun batzuk familian pasatzeko eta haurrek, ilusioz beterik, beren gutunak idazten dizkiete Olentzerori eta Errege Magoei, opariak ekar diezazkieten. Duela urte batzuetatik hona, TOPIC-ek Gabonetako kontzertu bat eta txotxongilo-ikuskizun bat antolatzen ditu, eta bi jarduera horien diru-bilketa helburu solidarioak ditu. Oraingoan Palestinako errefuxiatuentzat izango da.

Sarrera solidarioa duen lehen jarduera abenduaren 20an, ostirala, izango da, 18:30ean. Eduardo Mocoroa Tolosako Musika Eskolako ikasleen eta irakasleen kontzertua izango da.

Bigarren saioa Txotxongillo taldearen eskutik izango da eta “Itsasminez” ikuskizuna eskainiko du. Abenduaren 28an, larunbata, 18:30ean, TOPIC-eko antzokian.

Erosi sarrerak helbide honetan: www.cittolosa.com

Egun horretan bertan, hilaren 28an, Museora bisita gidatua egingo dugu hilero, Iñigo Aginagalde museologia arduradunaren eskutik. 11:30ean euskaraz eta 12.30ean gaztelaniaz.

Abenduaren 26an eta 27an, 9:30etik 12:30era, TOPIC-en, pedagogiako arduradunek ikastaro bat emango dute Gabonetako hainbat pertsonaia lantzeko, ezagunak zein gure irudimenetik jaiotakoak. Interesdunek: pedagogia@cittolosa.com helbidera idatzi edo 943650414 telefonora deitu