Bisitariek “konpainiaren hamabi muntaketei dagozkien hamabi lan ikusteko aukera izango dute, norbere eszenografia, txotxongilo eta testuinguruarekin. Tolosako Txotxongiloen Museora material guztia ekarri dugu, antzezten dugun eszenatokian jartzen dugun ia modu berean”. Enkarnik dioenaren arabera, “emaitza erakusketa ezberdin bat da. Haren bitartez, haurrek nahiz helduek gozatzeko aukera izango dute, baina, batez ere, umetan gure ikusle izan ziren horiek. Haientzat memoria- eta emozio-lanketa polit bat izango da”.

Enkarni eta Manolorentzako “TOPIC-en material hori guztia elkarrekin ikustea laztan bat sentitzea bezala da”. Oso argi zuten ez dutela ohiko erakusketarik nahi, “zerbait ezberdina nahi genuen, eszenatoki bakoitzak ipuin bat kontatzea”.