TOPIC-ek txotxongiloaren munduruari buruzko ezagutza gorde eta zabaltzea helburu duen Dokumentazio Zentro garrantzitsu bat du. Horretarako, zentroak honako zeregin hauek betetzen ditu:

• Funts bibliografikoak (liburuak zein aldizkariak) ikonografikoak (kartelak), dokumentalak (agiri eta argazki-artxiboak) eta ikus-entzunezkoak (mediateka) lortzea.
• Funts berrien digitalizazioa.
• Funts berriak katalogatzea.
• Kontsultarako datu-baseak eguneratzea, bai dokumentazio-zentroan, bai TOPIC-en webgunean.

Gaur egun, honako baliabideak kontsultagarri ditugu: 4.000 bideo baino gehiago, 65.000 argazki baino gehiago, 1.700 liburu baino gehiago, 5.000 kartel baino gehiago eta 2.600 txotxongilo baino gehiago.

Hemendik aurrera, hiru hilean behin buletin bat izango dugu eta han jakinaraziko ditugu Zentroan hilero sartzen diren berrikuntza guztiak.

Dokumentazio Zentroa txotxongiloen munduari buruzko ezagutzak zabaldu nahi dituen edozein ikertzaile edo pertsonarei irekita dago. Hori modu presentzialean egin daiteke, Tolosara joanez eta TOPIC-eko instalazioak erabiliz edo web orrian bertan.