Badator Titirijai Tolosako Nazioarteko Txotxongilo Jaialdiaren edizio berria, azaroaren 25etik abenduaren 3ra. Aurtengo programak estatuko eta nazioarteko txotxongilo-ikuskizunen aukera zabala eskainiko du, Hego Afrikatik, Uruguaitik, Italiatik, Esloveniatik, Portugaldik eta Frantziatik etorritako konpainien eskutik; baita Galiziatik, Madrildik, Andaluziatik eta Kataluniatik ere.

Jaialdian 12 ikuskizun izango dira guztira, modu irekian eta familiei eskainiak. Horiei kaleko hiru ikuskizun gehitu behar zaizkie eta helduei zuzendutako lau. Aurten Euskadiko lau konpainia ditugu: Mar-Mar Teatro, Bonbon Beltz, Zurrunka eta Anita Maravillas. Baina Jaialdia ez da Tolosara bakarrik mugatzen, zirkuitu bat dago eta aurten Eibar, Ordizia, Pasaia eta Sestaora joango dira.

Titirijai jaialdian ez daude ikuskizunak bakarrik. Egun horietarako berariaz antolatzen diren jardunaldi, Udazkeneko eskola eta erakusketak ere erakutsiko dira.

Azaroaren 30ean eta abenduaren 1ean, 17:00etatik 19:00etara, jardunaldi batzuk izango dira: “Txotxongiloen eta objektuen keinua eta dramaturgia”. Aurten, txotxongiloen artea modu femeninoan erakusten duten bi emakume sortzaileri eskaini nahi diegu lekua. Atzerriko bi sortzaileak, biak sorkuntza-konpainietako kideak eta irakaskuntzari eta ikerketari lotuak. Joëlle Noguèsek frantziarra eta Shaday Larios mexikarra dira.

Azaroaren 27tik abenduaren 2ra Udazkeneko Eskolaren beste edizio bat iritsiko da, oraingoan zazpigarrena, UNIMA Euskal Herriarekin lankidetzan. “Txotxongiloen eta objektuen keinua eta dramaturgia” du izenburua eta Joëlle Noguès eta Giorgio Pupella dira zuzendaria, Toulouseko (Frantzia) ODRADEKen Prestakuntza eta Akonpainamendu Zentroko zuzendarikideak.

Erakusketei dagokienez, Tolosako dendetako erakusleihoek erakusleihoetan hainbat txotxongilo jarriko dituzte, aurreko edizioetan bezala. Anbigu aretoa ere Jaialdiz jantziko da. Titirijai Jaialdi osoan jaialdiaren historiako argazki ikonikoenetako batzuk izango dira ikusgai, 1982an hasi zenetik gaur egun arte.