TOPIC berriro ari da Emaus Fundazioarekin lankidetzan, hainbat tailer egitea barne hartzen duen proiektu baten bidez. Lehenengoa aste honetan izan da, Emaus Gizarte Fundazioan, txotxongiloen eraikuntzari bakarrik eskainia. Goyeneche fundazioko eta Matia fundazioko kideak bertaratu ziren.

Hurrengo saioa ekainaren 2an izango da, eta hor amaituko da txotxongiloen eraikuntzarekin, pertsonaien eta istorioen karakterizazioa lantzeko. Azkenik, proiektua TOPIC-eko anbigu aretoan txotxongiloen erakusketa bat eginez amaitzea da asmoa, uztailaren hasieratik abuztuaren amaierara arte. Proiektu honen helburua edo ideia nagusia, erakunde eta pertsona ezberdinekin lankidetzan aritzeaz gain, txotxongiloen bidez bizitza istorioak partekatzea da.