Asteburu honetan, Titereszena programari lotutako hainbat jarduera izango dira TOPIC-en. Lehenengoa ostiralean izango da, arratsaldeko 18:30ean. Nestor Basterretxearen jaiotzaren mendeurrenaren omenezko erakusketa inauguratuko da, eta Anbigu aretoan izango da ikusgai maiatzaren 18ra arte. Larunbatean, hilak 29, beste bisita gidatu bat egingo da Museora, 11.30 euskaraz eta 12.30 gaztelaniaz. Larunbatean ere, 11:30ean, barazkiekin txotxongiloak egiteko moduari buruzko doako tailerra izango da Zerkausian. Azkenik, martxoaren 30ean, igandean, Iñaki Rikartek, Kulunka konpainiako kideak, konpainiak maskara espresiboen arloan egiten duen lan sortzailera hurbiltzea helburu duen tailerra aurkeztuko du.