Ohikoa den bezala, Portugaleteko Rialia museoak erakusketa berezia eskaintzen du urtearen amaierari begira, publiko guztiek gozatu ahal izan dezaten, batez ere familiengan eta txikiengan pentsatuz, oporraldirako plan bat bezala. Aurten TOPIC-eko erakusketa bat da protagonista eta otsailaren 22ra arte egongo da zabalik.

TOPIC-eko bilduma osatzen duten 2.800 piezetatik 50 piezek osatzen dute erakusketa. Jatorri asiarra, afrikarra eta europarra duten txotxongiloek mugak hausten dituen eta harmonian kohabitatzen den konbinazio erakargarria eskaintzen dute. Piezak hainbat teknikatakoak dira eta deskripzio-kartela batekin (euskaraz/gaztelaniaz) lagunduta doaz. Itzalek, berriz, beren bionbo argiztatua dute.

Kartelgintza da ikusgai dagoen beste elementuetako bat eta balio erantsia ematen die piezei. Pieza-multzo bakoitzak QR kode bat du, eta bisitariek katalogo informatibo bat deskarga dezakete. Gainera, erakusgai dauden pieza batzuek QR kode propioa dute, txotxongiloa 3D-an bisitarien gailu mugikorrean bertan ikusi ahal izateko. Bisitariek QR lotura bat ere izango dute, TOPIC birtualki bisitatu ahal izateko.