Txapelarte erakusketa ibiltaria da, gure nortasunaren ikono bat omentzen duena: Txapela. Euskal kulturan hain errotuta dagoen pieza honen azpian, hainbat diziplinatako artistek Boinas Eloseguiren txapelak, espresioz, kolorez eta mezuz betetako lan paregabe bihurtu dituzte euren eskuz. Erakusketa gaur ireki da TOPIC-eko Anbigun eta urriaren 6ra arte egongo da ikusgai.

Erakusketa hau ‘Kapeladun Ibilaldia’ programaren parte da. Ekimen hau Donostiako San Martin Auzoa Elkarteak bultzatu zuen duela 3 urte, artearen, modaren eta tradizioaren bidez negozioei bizia emateko.

Gainera, Txapelartek helburu solidarioa du: Txapel guztiak enkantean jarriko dira Minbiziaren Aurkako Elkartearen alde, puntada, marra eta forma bakoitzean artea eta konpromiso soziala batuz. Oraingo honetan azaroaren 11n izango da enkantea, Donostian, San Martin eguna dela aprobetxatuz.