Hileko lehen larunbatean bisita gidatu antzeztua egiten da TOPIC-en familientzat, 11:30ean euskaraz eta 12:30ean gaztelaniaz. Larunbat honetan, azaroaren 5ean, izango da berriro. Interesdunek 943650414 telefono-zenbakira deitu behar dute izena emateko, edo, bestela, cit@cittolosa.com helbide elektronikora idatzi.

Larunbat honetan ere tailerra + ikuskizuna formulaz gozatuko dugu. Oraingo honetan, biak Ondarearen Europako Jardunaldien barruan daude. Aurten, Ondarearen iraunkortasunari buruzko jardunaldiak egingo dira, ‘Ondarea loratuz, gozatu!’ izenburupean. Lehenik eta behin, 16:30ean, tailer bat egingo da. Parte-hartzaileek, modu ludiko eta aktiboan, hondakinak txotxongilo bihurtzeko sormen-proposamen batzuk probatu eta ikasiko dituzte, birziklatzeak eta zaborra bereizteak duten garrantzia ulertzeko eta hainbeste hondakin ez sortzeko.

18:30ean, testurik gabeko ikuskizun batekin, Andaluziako Clicolé konpainiak ‘Uanna’ lana antzeztuko du. Txotxongiloak, mimoa, maskarak eta itzal-antzerkia nahasten dira eta izaera poetiko nabarmena dute. Ozeanoak jasaten dituzten plastikoek eragindako kutsadurari buruzkoa da gaia.

Tailerra + ikuskizun konbinatu horretarako izena emateko, 943650414 telefonora deitu edo pedagogia@cittolosa.com helbidera idatzi.